كل النقاط الي هتكلم عليها في المقال فهي من واقع الخبرة والتجربة ، ومن درس في اكاديمية الشروق ودخل هندسة الشروق قسم باور سيؤكد كل معلومة تم ذكرها في المقال والي هتكلم فيه عن اهم العيوب الي موجودة باكاديمية الشروق عامة وفي هندسة خصوص وبعض الملاحظات بقسم باور
1- تأخر نزول الكتب الدراسية بهندسة الشروق
من اكبر المشاكل الي بيعاني منها الطلبة هو تاخر طباعة الكتب او اصدار قرار ببدا بيعها في مكتبة اكاديمية الشروق المتواجدة بمبني عمارة حاليا وقوي سابقا ، بتكون الدكاترة بدات شرحت اسبوع واتنين وثلاثة ثم بدون مقدمات تتوالي الكويزات مع المشاريع مع المحاضرات مع نزول الكتب ، ما السبب في جعل المحاضرات تتراكم علي الطلبة وجعلهم في ضغط دائم ، لماذا لا نقوم بطباعه الكتب علي الاكثر في اول اسبوع دراسي وليس بعد مضي ما يقرب من الشهر وضغط الطلاب ويكون رد الدكاترة ان ادارة الكلية لسه هتسعر الكتاب.
2- انت عبد لدكاترة الشروق
وملقش اي كلمة ومش من حقك تقول رأيك او تناقش او تعارض في اي شئ ، يعتبر انت لسه طالب في حضانة وهما بيفهموا في كل شئ،
جدول ميدترم او جدول فاينل او مواعيد كويزات وخصوصا الاونلاين، ملقش القدرة انك تختار مواعيدها علي الاقل ، او يتعمل استبيان رسمي لاختيار ترتيب المواد في الفاينل
3- تاخر صدور درجات الميدترم والفاينل والعملي والكويزات واعمال السنة بهندسة
تكون امتحانات الفاينل شغاله ونكون داخلين علي شهر 1 ويمر منه اسبوع ولم تظهر نتيجة اعمال السنة ، ممكن تظهر في اخر كام مادة وده الشئ الطبيعي اما لو عاوز تعرفها بسرعه فتروح تسأل المعيد او الدكتور وانت وحظك او انت وحسب علاقتك بالدكتور والمعيد وليك معاه كلام او لا ،او انت طالب ام طالبة ، اذكر اني روحت اسال معيد بقسم باور علي نتيجة درجة العملي وبعد تكرراي السؤال اكثر من مرة فقال لي هتظهرلك علي الايميل واما سئلته توزيعه العملي ازاي بالرغم انه قال لغيري وكان بيتناقش مع مجموعه طالبات علي الحل فقال لي هتظهر علي الايميل ، انا لم اطلب منه سوي شئ بسيط وهو معرفة كيف تتم توزيعه الامتحان سؤال بسيط قد يجاوبني عليه في دقيقة ولا يضطرني للوقوف 5 دقائق لكي يتصدق علي ولا يجاوبني ويحسسني باني بلا قيمة.
وايضا درجات الكويزات بالرغم انها تكون مع المعيدين الا ان البعض لا يدلي بها الي الطلبة ونضطر لانتظار نتيجة اعمال السنة في امتحانات الفاينل
هما بيصعبوا موقف الطلبة لحساب مين هيحصل ايه لو الطلبة عرفت نتيجة اعمال السنة قبل امتحانات الفاينل
4- التوزيع العشؤائي للطلبة مع دكاترة قسم باور الشروق في مشاريع التخرج
من اسوء الحاجات الي حصلت السنادي يعني تكون الطلبة محددة هتعمل مشروع ديستربيوشن مع دكتور هينداوي وطلبة تانية محددة مشروع طاقة متجددة مع دكتور عدلي وطلبة ثالثة محددة تعمل مشروع كنترول مع دكتور ابو العيون وتاتي الرياح بما لا تشتهي السفن ويحصل انه يتم التوزيع عشؤاني لل200 طالب في مجموعات علي الدكاترة ، يعني كليه واخدة الجودة وحريصة علي التطور والسمعه االمشرفة تعمل الغلطة دي ازاي
5- التسويح المستمر وعدم الالتزام والانضباط
التسويح هنا بينقسم ل3 جزىيات (تسويح الدكاترة للطلبة – تسويح المعيدين – تسويح بعض الطلبة لغيرهم)
تسويح الدكاترة للطلبة
ويأتي عدم التزام الدكاترة في المقام الاول ، الدكاترة ممكن تتعنت في اختيار مواعيد الكويزات يوم الجمعه او السبت قد يناسبك الميعاد او لا فقد اصبح لزاما عليك ذلك وملكش اي حجة ، ولو مش فاضي فلازم تحكي للدكتور عن السبب وفي الغالب هيكون سببك تافه وكلامه الي يمشي ، اذكر اني لم استطع ان امتحن 4 كويزات مختلفة وكانت الاسباب انقطاع الكهرباء او النت في المكان الذي اسكن به وكانت بتروح عليا درجتهم ومفيش تعويض برغم المزاكرة، واذكر ايضا انه كان عليا كورس في يوم جمعه الساعه 8مساءا هذا العام وقال الدكتور الكلية اهم من الكورس ده ، واذكر ايضا امتحاني لاحد الكويزات في المترو في طريق عودتي من حلوان الي محطة شبرا الخيمة وبعد ذلك سأسافر الي المنزل ، واذكر انه كان عليا كويز يوم جمعه وكانت خطوبه احد اصدقائي القدامي ولم استطع الذهاب للفرح نظرا لان عليا كويز اونلاين ثم جاء ميعاد الامتحان ولم يرفع الدكتور الكويز ثم بعد ذلك يرسل اشعار لجميع الطلبه علي الايميل انه تم الغاء الكويز نظرا لظروف قهرية وانه تم تأجيل الامتحان الي يوم الاتنين ، ثم المعيدين بيقولوا مفيش سكشن ولا كويز وان الامتحان هيكون يوم الخميس الجاي اونلاين
مفيش اي اعتراض علي الكويزات غير انكوا تحسوا بالطلبه وتقدر الظرف الي سببه ممتحنش او تعاملوا الطلبه كلهم سواسيه ، وده شايفه شئ مستحيل في الشروق ، الي كل حاجه ماشيه بالحب، او ان المواعيد تكون في ايام الدوام الدراسي وليست الاجازات
تسويح المعيدين وبعض الطلبة
نيجي لنقطه تسويح المعيدين وبعض الطلبة ،خلال الترم ده لم استطع حضور اكثر من 4 سكاشن بسبب ما يسمي استهبال المعيدين والطلبه ، بالرغم انه فيه جدول دراسي الا ان معيد ممكن يغير ميعاد السيكشن في يوم وليلة ويبلغ واحد من السكشن وللاسف يبلغ صحابه والي يعرفهم وباقي السكشن عرف معرفش مش مهم وممكن ينزل بوست علي جروب الواتساب وهو قاعد يحضر السكشن بأن فيه سكشن دلوقتي والناس تيجي والمفروض الناس تيجي بسرعه البرق تحضر مهما كانوا هما فين
وممكن دكتور محاضرته الفتره الثالثه يكون مفيش له محاضره في يوم فبعض الطلبه تروح تتفق مع المعيده انهم يحضروا الفترة الثالثه بدل الرابعه فالمعيد يوافق والطلبه دي ما ابلغتش كل الناس بالرغم انها امانه والمفروض كله يكون عارف والحجه زي كل مرة ليهم انهم نزولوا علي جروب الواتساب انه فيه سيكشن شغال دلوقتي بدل الرابعه مع عدم مراعاة انه كل الطلبه اونلاين 24ساعه ولا كل الطلبه علي جروب الواتساب
وممكن تكون رايح الكليه طبيعي ، تلاقي حد منزل علي جروب السكشن الساعه 9 ونص انه فيه كويز حالا والناس تيجي وتكون في المواصلات ولسه عارف ولا حد يبلغ وتتسوح .
دفعات في هندسه الشروق قسم باور من غير ما يسمي مندوب دفعه او مندوب سكشن بيراعي المسؤلية الي المفروضه عليه ويبلغ زملائه في الدفعه بكل جديد وأول بأول فهو الان المتحدث باسمهم ، ومصلحة جميع الطلاب لزاما عليهم وليس الهدف من مندوب الدفعه ان يقوي علاقته مع الدكاتره للحصول علي اعمل سنه ، ارفض ما قام به احدهم بأن قام بعمل لي حظر من جروبات الدفعات المختلفة خلال السنه الإعدادية بهندسة الشروق الترم الاول ، وعندما كنت في الفرقه الاولي باور قام بعمل حظر لي من جروب الدفعه لعام كامل بدون اي اسباب او معرفه الشخص المسئول عن ذلك بحجة اني لست في الدفعه وراسلت الادمن اكثر من مرة لكي يضيفوني وفي النهايه قام صديق مشترك بيننا باضافتي للجروب بعد مضي عام دراسي اي مرت سنة دراسية ثم وافق هذا الشخص علي اضافتي للجروب لمجرد اني لا اروق له، وقد قام بفعل ذلك مرتين حتي الان
6- كروته المنهج الدراسي وعدم التفاني في شرح المنهج الهندسي
اصعب حاجه هتقابلك في كليات الهندسة وهندسة الشروق خصوصا هي كروته المنهج الدراسي ، فهمت ما فهمتش هو ده المنهج خدت الاساسيات او الاجزاء الازمة علشان تاخد الجزء ده مش مسئوليتي اني كدكتور بشرحلك اعرف ده ، انا كدكتور مسئول اني اشرحلك واتريق عليك واقول انك ما بتفهمش حاجة وانه شعار الحزب الديمقراطي في امريكا بيكون الحمار علشان اذكي منك، وانك لم تستطع بلوغ مستوي الحمار في الفهم ، وان حفيدي في امريكا بيدرس ويدفع كذا مش الكام الف الي بتدفعهم ، انا كدكتور مسئول اني اهينك واشكك في نفسك واقولك ملقشك درجات عندي وان مستواك ضعيف ، واني اساعدك فقط لو انت شاطر يعني لو بتجيب امتياز هخليك تقفل المادة ولو بتجيب جيد ومقبول هخليك تشيل المادة واقول عليك فاشل.
شئ اخر من ضمن عدم اتقان بعض الدكاترة بهندسة الشروق لعملهم هو شرح الي يقدروا عليه سواء انهوا المقرر المطالبين بيه ام لا ، يعني الدكتور ينزل علي الموقع التعليمي لهندسة الشروق بان محتوي المادة السنادي كذا وكذا وهنخلصه خلال المده كذا ، اما في الواقع لا نستطيع ان ننهي نصف المنهج في بعض المواد ، ثم ياتي العام القادم ويقوم دكاترة اخرين بشرح جزء جديد مرتبط بالجزء السابق ومطالب انت كطالب انك تزاكر الحجات دي self study.
7- عدم تعاون المعيدين والمعيدات بهندسة الشروق قسم باور واحيانا معاملة غير انسانية وظلم
لو هتكلم علي عدد المرات التي تم فيها ظلمي كفيلة انها تخليني اسيب اكاديمية الشروق علشان دي مواقف شخصية وكل معيد عمل معايا موقف او ظلمني انا مش مسامحه في الدرجات وحسابه معايا عند ربنا ، للاسف اما بتكون شخص محترم وطيب لازم انت الي هتكون الضحية.منها
- اما كنت مع البشمهندس خالد في الفيزيا وبحضر مع سكشن تاني وهو طلع مبيرصدهاش ويتبعتلي جواب حرمان علي البيت اني مبحضرش واروح ابلغه يقلي هرفعهالك وازودلك درجات الحضور في اعمال السنة واروح اكلم الشئون يقلي هات جواب من المعيد انك كنت بتحضر ، فالمعيد يقلي هو انت كنت بتحضر فقلتله انا حاضر معاك كل التجارب وانت معلم تجارب العملي وماضي علي كتابي اني معلم التجارب ، فيوعني ويقلي روح خلي الدكتور يمضي ليك علي الورقه ، فاروح للدكتور محمد سعيد فيبعتني تاني للمعيد والمعيد خالد رمضان يقلي خلاص بقي هزودك درجات الحضور في اعمال السنة .
- اما كنت في اعدادي كنت داخل امتحان مادة اللغة متاخر وفيه واحد بيغش ورايا وانا معرفش فالمعيد الصهبي جه وخد ورقتي وبيقلي بتغششه ليه ، يعني انا مركز في ورقتي وبحل علشان اخلص الامتحان وهو بدل ما ياخد ورقة التاني جه خد ورقتي مش هقول غير حسبي الله ونعم الوكيل.
- اما كنت بمتحن ماتلاب اعدادي باور وخلصت وماشي وسلمت ورقتي للمعيد محمد عبدالحميد وانا ماشي بلم ادواتي من جنب جهاز الكمبيوتر ، فالي جنبي بيقلي السؤال ده ايه ، فانا قلتله انا ماشي ، فالبشمهندس محمد عبدالحميد يقوم معلم علي ورقتي ويقلي قلتله ايه – فاقول لمحمد عبدالحميد اني قلتله اني ماشي فميصدقش ويفتكرني بضحك عليه ويعلم علي ورقتي اني غشاش مش هقول غير حسبي الله ونعم الوكيل
- واما اعمل عملي الكلاسيك كنترول صح في تدريب اولي باور بالكلية والبشمهندس بهاء يديني 10 من 20 بالرغم اني موصل صح واشتغلت وفيه غلطه بسيطه في رسمه الدايره ولكن التوصيل صح ويعطيني الدرجة دي والي كان واقف جنبي ومش فاهم حاجة وياخد 18 من 20 ، وانا واخد النهاية مع البشمهندس هنداوي في توصيله التركيبات واكون عامل تجارب العملي بتاع الكنترول في كورس حسن علي في وقت قياسي مش هقول غير حسبي الله ونعم الوكيل
- فكل مرة بغيب عن ميعاد الكويز نظرا لبعض المنزل علي الكلية او المواصلات واتحيل علي المعيد او المعيدة اني اعيد الكويز وميوافقش في حين طلبه تانية بتغيب وتعيد الكويز عادي والبعض بيوافق بشرط اجيب اذن من الدكتور .
8- تدني مستوي المعيدين العلمي
المفروض انه محتوت جدول دراسي وان المعيدين يشرحوا في المواعيد دي ، وان الي وضعوا الايحة الهندسية بالمقررات عارفين كل مادة محتاجة وقت قد ايه ، اما بقي الي بيحصل احيانا ان المعيد ممكن ميشرحش اصلا زي الي بيحصل في بعض المواد بحجة ان امتحانتها سهلة وبحجة اخري نشغل الطلبة يعملوا برزينتشن واحنا منشرحش بالرغم ان فيه مواد محتاجه شرح جامد، باختصار بيتم تلسقه وكروته المادة العلمية من غير اي استفادة مباشرة ، يعني ايه نقعد سكشنين علشان نشرح في برنامج الدايلكس والمعيد مش عارف يستخدم برنامج الدايلكس اصلا. وباين كده انه معملش بيه مشاريع قبل كده اما يقعد سكشن كامل بيحدد في اوضة.
يعني ايه معيد ممكن يغلط ويعاند في الغلط ويقول انك مبتفهمش حاجة وانه صح ويحسب اجابتك غلط بالرغم انها كانت صح في التدريب العملي
9- المعمل والاجهزة محرمة الا عند الزوم فقط
في قسم اتصالات هندسة الشروق المعمل مفتوح 24 ساعة واجهزة الاسكلوسكوب متاحه الطلبة يجربوا المشاريع عليها ، اما في قسم باور فحتي معمل الميجر المعيد بيعمل التجربة ونقفل المعمل لاحسن الاجهزة تبوظ ، واي مشاريع بتتعمل بتكون self study او كورسات خارجية ومفيش طالب في باور استفاد من عملي الكلي بل بالعكس انت محتاج تكون خدت كورس بره الكلية علشان تعمل اي مشروع ، حتي مشاريع الديستربيوشن مينفعش تعتمد علي الكلية ، برنامج الايتاب نفس الشئ وكمان الplc حتي في الplc المعيد بيقول مين اشتغل عليه قبل كده فبعد ما بتقول انا اشتغلت يطلب منك تجيب الابتوب بتاعك الكلية.
يعني في الكورسات والتدريبات ممكن تتعامل نتشتغل علي اجهزة بالوفات ونطلع علي محولات وتعمل تيست واختبارات لمحولات توزيع كبيرة و نشوف ريلايهات ديجيتل الي بتكون في قسم الوقاية ونشوف حجات واجهزة قياس متقدمة يقدر ثمنها بعشرات ومئات الالوف وفي الكلية مجرد حجات تعليمية والمشريع مجهود شخصي .
10- الحسنة بتخص والسيئة بتعم
يعني لو فيه طالب عمل صوت والدكتور مش في المزاج ممكن يعاقب الدفعه كاملة بامتحان صعب .
11- الكويزات والميدترم الاونلاين
كل الي مكتوب في المقال لا ينقص من اكاديمية الشروق في شئ واغلب كليات الهندسة فيها نفس السلبيات ولكن الهدف هو معالجة هذه السلبيات حتي لا يتعرض لها اي طالب بالسلب، او تحسين العملية التعليمية بين كليات الهندسة في الوطن العربي
شاهد الزوار ايضا علي
primohandas 